發尾都識做戲！鄧萃雯狠虐戚薇

相隔超過兩年才再接拍電視劇的鄧萃雯（雯女），近日其主演的內地劇《繁星四月》在內地熱播，香港的ViuTV亦有獨家追播，而該劇在內地網站的點擊率，更已衝破四億。

每一個眼神都是戲

劇中飾演戚薇養母、同時又因親生女兒走失而變得極負面的雯女，在劇中對戚薇諸多為難針對、甚至鬧爆及掌摑對方的場面，更惹起內地熱討，除有網民大讚「每一個眼神都是戲」及網路上洗版式出現「#鄧萃雯狠虐戚薇」這個進佔內地熱搜榜多次的熱爆HASHTAG外，內地媒體更指雯女鋒芒盡蓋男主角吳奇隆以及女主角戚薇，並指雯女精湛演技帶動整體收視。

希望拍一套有意義的劇

對於坊間一致好評，雯女笑言很開心，因為覺得一切來得意外又真實：「呢套劇其實系臨危受命嘅，突如其來提前咗個幾月播出，所以根本冇時間做前期宣傳，依家喺零宣傳情況下有咁樣嘅成績，我覺得好感恩。」雯女在劇中的角色因為經常一下子要經歷多種情緒，極具挑戰性，但同時亦是一個極不討好的角色，問到雯女當初為何願意接拍時，她認真地表示：「點解我會接呢套劇呢，系因為我希望呢套劇系有意義嘅。睇番呢套劇，大家可能會明白到，當父母嘅愛唔足夠，又或者孩子真正嘅需要或感受被忽略時，系會影響到個細路仔嘅成長、甚至好似女主角咁走歪路。我覺得要我演壞人唔緊要，只要能夠令大家將重點放喺過於偏心會引致悲劇發生呢方面，咁樣已經夠。」

爺爺嫲嫲湊大

希望為兩地「問題兒童」及父母帶來曙光及啟發的雯女，更大方透露自己與劇中女主角繁星一樣有不愉快及不健全的童年：「我系爺爺嫲嫲湊大，然後幾歲嘅時候爹哋媽咪就離咗婚，所以我自細都未經歷過一個正常嘅家庭。就系因為咁，我一直都好努力，就好似『繁星』咁希望自己樣樣嘢都做得好出色，嚟彌補心入面嘅欠缺，同得到媽咪爹哋嘅認同，以致有時候真系受咗委屈，我都會全盤接受。」雯女更笑言，當自己變成觀眾觀看該劇時，才猛然醒覺自己原來跟女主角有相像的地方：「所以我相信好多觀眾睇完，都會有啲位被觸動到。」