TVB視帝大熱！盲俠王浩信口碑好零負評，祖藍重提與蔡少芬緋聞

視帝大熱！盲俠王浩信口碑好零負評

王浩信於熱播劇飾演盲人大律師，劇集於內地及香港大獲好評，之前他在另一劇集《不懂撒嬌的女人》的暖男形象深入民心，故被視為今屆視帝大熱，他多謝觀眾將角色留在心中，坦言已當攞獎，對獎項不會想太多。

王浩信首次演繹視障人士，視為一大挑戰：「以前演出靠對眼去接收對手畀你嘅感覺，今次靠耳去接收，開頭真系唔習慣。」雖然角色甚有難度，但此劇口碑及浩信的演出獲不少好評，當中他與張振朗的兄弟情，HeHe味甚濃，二人在電腳踏車上的一幕更成為熱話，被內地網民封為「機車巴打」，浩信笑言拍攝時都驚對振朗動真情。

提到劇集於內地視頻點擊率破億，口碑不俗兼零負評，連內地媒體都大讚，浩信坦言是意料之外：「內地觀眾好耐冇咁好嘅平台去睇TVB劇集，大家反應正面都好感恩。」

提到浩信之前於劇集《不懂撒嬌的女人》的暖男形象深入民心，兩角色同被視為今屆視帝大熱，但始終距離台慶頒獎禮仍有4個月，他坦言不敢想太多：「多謝觀眾畀空間呢兩個角色留喺心入面，已經系好好嘅獎勵，唔會去諗視帝呢樣嘢。」

至於飾演哨牙師爺「癲姐」的蔡思貝（Sisley），被監製大爆拍攝初時抗拒戴假哨牙，經常合上嘴，Sisley解釋：「女仔始終見到自己唔靚，個心會唔舒服同冇自信，用咗一段時間去適應棚假牙，要慢慢去克服。」

唔可以冇咗亞男！祖藍重提與蔡少芬緋聞

藝人王祖藍亮相歌手王梓軒主持的節目，重提當年與蔡少芬傳緋聞舊事，他說：「我哋每年都會抽段時間去世界各地做分享，蔡少芬都有一齊去，當時其實我系追緊李亞男，蔡少芬都畀咗好多意見我，就系咁唔小心搞到同蔡少芬傳緋聞，其實我都幾唔好意思！」

祖藍又自嘲自己在「高度」及「靚仔」方面無能為力，當被要求用食物形容自己與李亞男時，祖藍說：「李亞男系『花膠』，我系『香腸』，因為我自覺有個『香腸嘴』！好在李亞男賢慧兼持家有道，每日為我準備好要食嘅葯、營養補品同新鮮果汁畀我，又幫我準備好每日嘅衣著，如果冇咗佢，我應該冇辦法自己搞掂！」

結婚前後有分別？陳智燊猶豫險辣著老婆

藝人陳智燊（Jason）同老婆宋熙年（Sarah）一向好恩愛，人前人後都勁Sweet，究竟呢對模範夫婦系咪真系咁好感情？佢哋又會唔會嘈交？萬一嘈交時邊個低頭認錯先？知道大家問題多多，呢日陳生陳太就夫妻檔上陣拍片，逐一解答問題！

片中所見，陳氏夫婦齊齊搭車出街，就算有鏡頭喺度，宋熙年都照舊化妝，陳智燊閉眼思考，仲不經意舉起手大曬手臂肌肉，展現真性情一面。之後佢哋開始答網民嘅問題，其中有人問佢哋覺得婚前同婚後生活有咩唔同，陳智燊指分別唔大，但佢話：「結咗婚……都開心嘅！」咦？點解遲疑咗足足2秒先答嘅？就連陳太都留意到，好彩陳智燊識得搞笑凼番老婆，唔少網民都大讚佢轉數快，成功避過危機，叻仔！之後戲肉嚟啦！宋熙年解答終極問題，就系佢哋會唔會嘈交呢？答案系會，至於認輸嘅一方梗系陳智燊啦！皆因宋熙年自爆嘈交時會不斷講嘢、不斷抒發情緒，最後煩到老公冇聲出。咁容易平息紛爭，睇嚟佢哋都系耍嚇花槍，嘈交當促進感情，So Sweet！亦有網民覺得系陳智燊錫老婆先會讓步，果然系廿四孝老公！

陳生陳太仲去咗食Tea，原來嗰度系佢哋當年拍拖成日去嘅Cafe，今次舊地重遊，佢哋亦重溫拍拖點滴，仲分享當年嘅相識過程，宋熙年話：「當年喺TVB，有位男士姓陳識咗一位女士姓宋，跟住開花結果。」

唔知陳太系咪怕閃親人，所以講得咁簡短10秒內答咗，但一班網民都聽唔夠喉，紛紛留言求閃爆詳細版嘅愛情故事，陳生陳太收到未？

父愛出曬嚟！胡諾言同囝囝萌爆玩波

藝人胡諾言2009年與藝人陳琪結婚，先後誕下兩女胡芷苓（Jay）、胡芷悠（Jacey）和一子胡澔錕（Jayden）。日前，一家人到了澳洲滑雪，不過因為仔仔Jayden年紀太小未有同行，由祖父母代為照顧。胡諾言亦因為有工作在身，喺澳洲安頓好三母女后先行回港。冇見個仔幾日，胡諾言梗系掛心啦，一返香港即刻要同個仔玩，胡諾言喺社交網上載咗條同仔仔玩嘅短片，胡諾言笑曬口抱住仔仔開心到不得了，仲同仔仔一齊唱歌「胡小波、胡小波…」父愛出曬嚟。

見到老竇咁開心，Jayden都好開心呀，笑到個口都合唔埋，仲見到佢有幾隻牙仔添，好得意呀。未幾，胡諾言又一個人去做健身操肌，同個仔玩完再去做運動，難怪佢話充實呀。

JW入紙紅館一次即批約定冬粉玩大波波

歌手王灝兒（JW）接受電台訪問，講到一月將在紅館舉行演唱會，她開心表示想不到入紙紅館一次就批：「其實我哋諗要Keep住試一、兩年先得，但點知第一次就得咗，所以冇心理準備。」她亦笑言打算鑲起紅館寄來的通知信。

JW透露屆時應會開三面台，亦希望跟觀眾距離近些：「想要個大波波可以掟去人群同大家玩，想同觀眾玩多啲。」講到要開始Keep Fit，JW表示男友有提醒她不要食太多：「我食嘢嗰陣，佢就會話你一月紅館喎。」

她亦透露希望邀請家人、朋友、合作過的同事等人見證她開騷。問到可會請前老闆黎明？她說：「一定會請。（叫佢做嘉賓？）都想，但唔知佢得唔得閑，但一定會問佢。」