Zi 字媒體

作為台慶劇嚟講 《跳躍生命線》卡士係弱咗 不過題材真實又貼地 都有唔少人like 劇中不少演員都好有發揮 比如飾演「雄姐」嘅張彥博 演技自然博得大家喜愛 but 最近播出嘅一集中 「雄姐」因公殉職 令觀眾睇到都覺得可惜與心酸 劇情講到佢為咗救人 不慎墮樓犧牲 原本「雄姐」追求嘅女神River 都開始鐘意佢 仲諗住請佢聽concert表明心跡 「雄姐」仲話一定準時到 但「雄姐」卻喺演唱會前 一次救援中就咁永別 呢段墮樓劇情 其實係改編自真實事件 編審冼翠貞喺微博表示 露台塌下係真實事件 只係冇傷到人 但情況都係一樣 成張床向街道跌落去 而就在舊年六月份 香港紅磡一座舊式唐樓 就試過突然塌下 冼翠貞表示： 「其實雄姐這角色由誕生那刻， 就注定要橫死！」 「而且還要在毫無先兆下， 以最突然，最不該死亡的時刻就走！ 因為打從這劇一開始， 就已經落實一個訊息， ‘無常，就是救護員的日常！’」 一個角色令咁多人傷感 實在好難得 亦都代表角色塑造好成功 睇咗呢一集 好多人去微博留言話唔捨得 張彥博就話： 「都是我很重要的回憶， 謝謝大家喜歡雄姐~ Good Day!????」 最近佢上載咗拍墮樓戲嘅片段 原來拍攝嘅時候曾經意外受傷 張彥博不慎傷到頸椎 後來休息咗四個月先康復 咁搏命係有回報嘅 張彥博今次憑劇集人氣急升 工作量越來越多 下年嘅計劃都安排好了 「明年初是會第一次回內地拍網劇， 做男二，有得賺錢當然盡力賺啦。」 雖然佢個樣似「小鮮肉」 實際上已經入行13年年近4張嘢 而家終於有機會上位 「雄姐」，加油啦！