Zi 字媒體

無線50周年台慶重頭劇集《溏心風暴3》今晚正式開播，演員陣容非常鼎盛，包括有李司棋、夏雨、米雪、關菊英、黃宗澤、王浩信、岑麗香、黃翠如以及陳敏之等主演，就連已經將近4年無拍TVB劇的馬浚偉（馬仔）都有份演出，不過馬仔今次只是客串性質演出一集，各位劇迷同馬仔的冬粉記得留意住唔好錯過喇。咁馬仔會在邊一集出現呢？日前，馬仔就在微博上載了幾張《溏心3》的劇照，當中有兩張是他和翠如BB玩煮飯仔同撐枱腳的戲份，食飯那張仲有黃宗澤一齊。而另外兩張就是他昏迷躺在醫院的病床上，正被醫護人員用電擊搶救當中，close up那張見他臉色慘白極虛弱，應該都返魂無術喇。馬浚偉留言表示：「什麼？第一集就把我弄死？家豪哥當日邀請我客串時不是這樣說的！@劉家豪GH 家豪哥您快告訴我，是不是第一集就要把我弄死？替我申冤」仲要加埋些喊樣，好搞笑。馬仔口中的家豪哥就是該劇的監製劉家豪，原來馬仔於第一集就會出場，亦會於第一次就同大家拜拜。據知馬仔在劇中飾演的李明基，是翠如BB飾演的方希文男朋友，亦是黃宗澤所飾的凌乘風好兄弟。而馬仔在第一集就會因為心臟病發離世，所以出完這集就不會再出場了。如果大家仲想再睇馬仔演出TVB劇的話，唯有遲些先睇另一套重頭劇《宮心計2．深宮計》啦。