Zi 字媒體

你有冇試過，用粵普同外地人傾計，會搞到一頭霧水、雞同鴨講？你彈佢嘅，佢以為你贊佢；你贊佢嘅，反而俾佢叼翻轉頭。粵語用詞，真係好鐘意講反話，經常帶住諷刺嘅意思。喺呢個年頭，唔識翻幾句粵語真係唔好意思出嚟撈！嗱！攞住呢份嘢，艾特你身邊唔識粵語嘅朋友，咪再以為你贊佢啦！你好嘢！字面意思：你好棒！讚賞你的意思。實際意思：算你狠！你有種！例如：常見喺古惑仔橋段，喪坤想打山雞嘅時候，俾差佬啱好見到問「你做咩啊」果時，喪坤好唔憤氣走嘅時候就會講「你好嘢！」你好叻啊！字面意思：同樣喺你好棒！讚賞你的意思。實際意思：帶住諷刺意味嘅贊你，通常心入面並不真正認同。例如：sandy豬豬今日9點落班講咗句「今日好早走啊我！」，正Gor反咗個白眼話「你好叻啊！」好行夾唔送字面意思：送客人離去，叫你小心看路回去。「請你慢走，恕我不遠送了」，感覺好窩心。實際意思：好想你快D走快D消失，帶住討厭嘅語氣，其實喺逐客令，送都唔想送你。例如：推銷佬又嚟到正嘢公司嗶哩吧啦一堆，結果俾正Gor出門口講「好行夾唔送啦！」多得你唔少字面意思：好彩你喺度，先可以錦上添花。實際意思：如果唔喺你喺度，點會做壞呢件事！帶住責怪嘅語氣，因為你而造成咗麻煩。同「好帶攜」喺相近嘅意思。例如：正Gor帶sandy出去采編，點知sandy打爛曬間鋪D餐具，結果正Gor鬧鬼佢話「真係多得你唔少！」好恨嫁！字面意思：討厭結婚，唔想結婚！實際意思：粵語意思簡直喺相反！表示好想結婚，好羨慕結婚的人。以後有女仔同你講呢句話，千其唔好以為佢唔鐘意你！例如：sandy去參加朋友嘅婚禮，到新人誓詞果時喊到飆尿，感嘆到「我好恨嫁啊！」大大話話字面意思：講大話，說謊話。實際意思：算到足，講到盡，起碼的意思。例如：廣州正嘢大大話話都有十個靚女喺度啊！冚家富貴字面意思：祝你全家富貴榮華。實際意思：喺好惡毒嘅粗口罵人，咒人全家滅絕，斷子絕孫，「富貴」系指死後收到冥幣。如果聽到廣東人講呢句話，真係唔好再開心啦。例如：正Gor喺街邊俾共享腳踏車撞到，點知嘅「司機」叼咗下就走人，正Gor喺街度大嗌「祝你冚家富貴」。整鑊金嘅你嘆！字面意思：好好心送一鑊金俾你。實際意思：通常喺要報仇嘅場景下，準備陷害、傷害別人利益，如果有人同你講呢句話就要小心D啦！例如：如果有人得罪咗正Gor，佢會好粗坯咁講「小心我整鑊金嘅你嘆！」攞景增慶字面意思：湊別人熱鬧，增加喜慶氣氛。實際意思：某D場合有意做出唔適當嘅嘢令人難堪。例如：豪雨中sandy跌咗落水氹，正Gor見到之後唔扶佢不得止，仲要狂笑，sandy起身之後講「你依家攞景定增慶啊？！」佢香咗字面意思：睇到呢句話，你肯定以為喺話果個人好香啦。實際意思：咁就大錯特錯啦！其實喺因為人避忌個「死」字，所以粵語都用其他字去形容話呢個人死咗咁解。例如：以下喺個恐怖嘅故事，正嘢公司養咗缸魚，有一日俾正Gor搖咗一輪之後，「香咗」！扮曬蟹字面意思：扮成蟹的樣子。實際意思：裝模作樣，充大頭鬼，貶義詞。例如：周末sandy化咗個好行嘅妝去一間網紅店影裝B相，發咗朋友圈之後正Gor留言「扮曬蟹咁！你平時翻工素顏架！」潤你字面意思：滋潤你，不幹枯，濕燥適中嘅意思。實際意思：挖苦，講D唔好聽嘅說話諷刺你。例如：sandy請咗假去旅遊，但喺正Gor請唔到，sandy明潤佢話「點解我得你唔得嘅？係咪我靚D啊？」廣州人！外地人有咗呢份嘢，以後唔會再俾你哋蛤架啦！各位自己友，你哋最鐘意講嘅「反話」喺咩？