Zi 字媒體

七夕啱啱過完朋友圈除咗比大家嘅男/女朋友刷屏之外仲夾縫生存住一杯七夕網紅飲品無錯就係星巴克出嘅七夕特飲刷爆咗小編朋友圈雖然呢家廣州越來越多網紅飲品店但係星巴克嘅地位喺好多「星粉」心目中都係無可取代最近喺廣州中軸線上又誕生咗一間星巴克喇就喺8月底天環廣場星巴克臻選門店正式開業~新店一開業小編就去咗湊熱鬧係因為之前就收到風，呢間星巴克有啲嘢！☞呢間星巴克有「雪糕」賣☜①三款全新上市咖啡融合冰淇淋系列②紐西蘭進口香草冰淇淋③全廣州唯一售賣門店星爸爸終於出冰淇淋啦！星爸爸終於出冰淇淋啦！！終於！！ 開業當日係工作日但係都可以人山人海嚟形容~人人人人人人人人人人人人全部都係人一入門口就會見到一個開放式食品櫃呢種客人可以自助選擇包裝食品嘅模式喺廣州星巴克都係獨一無二 環顧店內環境首先映入眼帘嘅係一副大型壁畫牆上畫嘅係位於美國西雅圖派克市場嘅門店亦都係星巴克第一間門店非常有立體感，極具代表性成間星巴克一共有兩層裝修風格以復古工業風為主調運用大量木質、水泥元素同時樓距好高比人一種自由、開放、貫通嘅感覺不得不說，呢條轉角樓梯街拍一流！行上樓梯嚟到二樓可以見到一個全手工打造大型星巴克臻選店logo做舊金屬材質，再用暖黃色射燈點綴好有feel~軟裝睇完當然要睇下硬體一樓吧台配有四個沖煮頭嘅氣致冷萃機能夠滿足大客流量時嘅供應需求二樓吧台就有國際比賽專用嘅黑鷹咖啡機以及兩台黑鷹磨豆機保證每一杯高品質濃縮咖啡嘅誕生一樓售賣常規飲品而二樓就係一個甄選體驗嘅吧台咖啡迷熟悉嘅虹吸壺喺呢度唔止可以煮咖啡，仲可以煮茶哦~二樓同一樓相同位置嘅牆壁上畫嘅係位於西雅圖派克市場嘅星巴克甄選咖啡烘焙工坊全新推出嘅咖啡融合冰淇淋系列靈感就來源於呢間烘焙工坊既然參觀完就直奔主題啦：咖啡冰淇淋但係傷心嘅係當日下午去到，竟然賣！曬！啦！真係好誇張，開業即售罄死心不息嘅小編決定第二日再嚟天環終於，可以試到呢款全廣州獨有嘅網紅冰淇淋喇~ COFFEE MEETS ICECREAM阿馥奇朵AFFOGATO「affogato」來自義大利語，原意為「淹沒」冰淇淋淹沒喺新鮮濃縮咖啡入面嘅意思將雙份精粹濃縮咖啡一次過淋喺紐西蘭進口香口冰淇淋上面據夥伴介紹呢個冰淇淋同普通雪糕係唔一樣嘎仲糾正咗小編嘅用詞冰淇淋 Yes！雪糕 No！製作冰淇淋嘅牛奶、奶油、香草籽都來自紐西蘭奶香十足，口感綿滑就算淋上「重口味」嘅濃縮咖啡都遮蓋唔到佢嘅光芒！濃縮咖啡嘅油脂同煙熏味與冰淇淋融合帶來微妙嘅味道同時因為溫度下降，咖啡慢慢變酸冰淇淋嘅甜、咖啡嘅微苦再到酸，層次非常豐富麥芽雪冷萃 COLD BREW MALTA喺順滑嘅冷萃咖啡基礎上加入兩個紐西蘭進口香草冰淇淋再增添適量來自西雅圖手工調製苦味酒同冰塊一起攪拌成冰沙苦味酒帶有醇厚嘅麥芽香好似細個食麥芽糖嘅味道而酒味唔重，唔中意飲酒嘅朋友都唔會討厭香草冰淇淋又帶來絲絲奶香雖然係冰沙，但係飲落好順滑完全感受唔到冰粒嘅感覺除咗icecream呢度仲有四款手工特調廣州只有中山三店同天環店可以飲到咋甄選雪醇冰調咖啡SHAKERATO BIANCO OVER ICE將三份新鮮萃取嘅臻選濃縮咖啡同冰粒倒入特製shake壺出行力咁搖，令咖啡同冰粒完美融合最後再加入香草味奶油奶油慢慢穿透泡沫、覆蓋冰粒傾瀉而下流入咖啡底部底部同冰咖啡融合成一杯絲滑嘅特調飲品而每杯特調咖啡，都配上一塊焦糖餅乾通常喺精品咖啡店先會有嘅搭配呢家喺星巴克出現，令人驚喜不過可能因為客人太多飲品送到上嚟奶油已經完全同咖啡混合睇唔到佢慢慢融化嘅樣，有啲可惜小編仲留意到喺一眾黑圍裙咖啡大師之中有一個藏身喺黑鷹後面嘅小姐姐佢嘅黑圍裙圖案同其他人唔一樣無錯佢就係星巴克嘅咖啡公使！喺星巴克承擔住傳播咖啡知識、歷史嘅重任可以理解為咖啡大師精英中的精英聽講全廣州只有一位咋！同時發現呢度部分座椅極富設計感採用「星巴克綠」比人一種家居嘅溫馨感，更加唔似連鎖咖啡店了商品牆有超多種類嘅咖啡豆仲會見到廣州其他甄選門店都無嘅咖啡器具從2003年淘金好世界嘅第一間門店到2014年開設第一間臻選店星巴克喺廣州紮根十四載一直在進步、不斷地創新努力適應時代嘅變化、消費者嘅追求趁住呢家仲未有咁多人知快啲嚟試下星巴克冰淇淋啦~星巴克天環廣場臻選店地址 | 天環廣場商場L102A（商場首層西側粵海天河城大廈對面）