Zi 字媒體

第一狗仔卓偉係微博獨家爆料，白百何同某位小鮮肉同游泰國！！！兩個人係泳池邊嬉戲，動作仲好親密。☟ ☟ ☟ ☟ ☟ ☟第一招：揚嚟揚去引你注意第二招：你喂我喂 我係你嘅小海獅第三招：我要咬你「耳仔」第四招：一於幫你督一督今次白百何真係比人斷都正，睇下今次佢地又會點回應。而據說，視頻中嘅男主角係張愛朋，身高188cm，體重72kg，1988年2月19日出生，29歲，係啲18線「雞肉」男model。個樣真係麻麻地咯，國字面口，路人甲咁嘅樣，同陳羽凡比差得遠，起碼人地係靠才華吸引，而依位先生，就真係唔知靠咩啦。而且原來佢地兩個「有路」早見蹤跡。一年幾之前，就偷偷地點贊關於白百何活動嘅微博。據說張愛朋好鐘意傍富婆，某位富婆仲曬出佢地同游嘅機票酒店等等，而且同白百何相識仲係通過其中第二位人妻介紹（聽落個男有啲似出嚟做X）。真係好cheap咁咯，再睇翻佢同白百何一齊玩啲相，真係好似討好緊個客咁，賣力程度值得讚賞。講翻白百何出軌，小編就醒起，佢靠某部紅起身嘅電影成個劇組都有毒！《失戀33天》可以改成《出軌33天》啦！先係文章同姚笛出軌，馬伊琍被人戴綠帽，隨後張子萱就去做人第三者，仲要依家坐正生埋B，到依家白百何出軌，陳羽凡比人戴咗頂綠帽！真係名副其實嘅出軌隊！眾所周知，當年又係卓偉「周三見」，然後曝光咗文章同姚笛出軌嘅親密相，兩個人嘅事業都遭受重擊！直至依家依然被人鬧，事業更加唔使講，好難再上巔峰時期。馬伊琍仲犀利，一句「且行且珍惜」就贏足全世界嘅掌聲！原諒咗出軌嘅文章，仲幫自己樹立咗「賢妻」形象，真係夠曬戲劇性。（而出軌隊率先摞到「第一滴血」）然後就係醜男陳赤赤同小三張子萱，本來人地同女朋友拍咗13年拖結埋婚，可惜好景唔長，比人勾走咗個老公！而張子萱都係喺婚內出軌，真係「天若有情天亦老，我實等到你出軌」！所以話，冇撬唔走嘅牆角，只有唔努力嘅小三。（出軌隊又再摞到double kill、triple kill）今次《失戀33天》劇組又成功再次上熱搜榜，要多謝白百何，佢只不過係犯錯全天下男人都會犯嘅錯誤。至於白百何幾時同陳羽凡發表聲明，大家拭目而待啦，係離婚？亦或係「我們全家都打算原諒這個勇於承擔錯誤的女人，繼續走下去。」