Zi 字媒體

唔知從幾時開始，娛樂圈變得暴戾，特別系最近幾年，經常有各種以「撕逼」「互懟」「怒嗆」為標題嘅新聞出現。雖然近幾年香港娛樂圈相對沉寂，但曾幾何時香港娛樂圈明星之間嘅明爭暗鬥都非常激烈，精彩到日日封面都系爆點。今日就回顧一部TVB自黑+諷刺娛樂圈嘅經典佳作——《娛樂插班生》《娛樂插班生》製作於1995年，此時恰逢香港娛樂圈處於最後一個黃金階段，儘管態勢開始走下坡，但仍然誕生咗好多天王巨星。所以，香港好多年輕人都會爭崩頭想入娛樂圈，一炮而紅，走上人生巔峰。主角一家亦唔厲害，全家上下嘅工作多少同娛樂圈有關，幾個後生都渴望入娛樂圈。除咗我哋嘅男主角——陸千石（廖偉雄 飾）而一心想平凡過日子嘅男主角反而誤打誤撞出演咗一部部熱賣電影，慢慢打響知名度。現實與諷刺結合嘅劇情之中，最精彩嘅莫過於一眾演員惟妙惟肖模仿天皇巨星。男主細妹陸其濂（梅小惠 飾）系王菲嘅忠實Fans，日日模仿偶像王菲嘅打扮同唱歌。除咗高度還原王菲嘅經典髮型，梅小惠都用佢獨特嘅搞笑天分模仿咗好多王菲唱歌嘅腔調同小動作！男二系當時仲未出名嘅林家棟，飾演嘅蔡君夏同樣擁有明星夢，歌喉都唔錯，但繫懷才不遇而始終紅唔起身。呢個角色嘅原型就系歌神張學友，編劇驚大家估唔到，特登喺角色身後貼上張學友嘅海報，以作暗示。呢部劇入邊，張學友都展現咗佢搞怪扮嘢嘅天賦，模仿起張學友嘅神態動作入型入格，憑藉此劇林家棟受TVB重用，開始出演主角，其後拍咗《大鬧廣昌隆》等經典劇集。配角都有亮點，比如麥包飾演嘅劉定康，角色原型系王家衛，所以成日戴住王家衛嘅標誌性墨鏡！仲時不時惡搞王家衛式嘅經典台詞，真系好搞笑。▲室內都戴住墨鏡，我寫個服字畀你！就連出場幾秒鐘嘅茄喱啡個名，都暗藏玄機！除咗有扮鬼扮馬模仿明星，入邊仲有唔少惡搞經典劇集嘅情節。下邊呢個情景，你又估唔估得到喺邊部電影？冇錯，就系哥哥同梅姐嘅《胭脂扣》！不過下一秒，畫面即刻就崩壞！（當堂嚇咗我一跳……）原版喺度↓仲有《92黑玫瑰對黑玫瑰》嘅電影男女對唱重現！原版喺度↓戲入邊融入咗好多真實嘅娛樂圈事件，唔單增加咗笑點，亦令入邊嘅情節更加具有諷刺性。三哥同娜姑用假離婚嚟博話題博版面，諷刺四哥（謝賢）同拉姑（狄波拉）嘅離婚風波。▲劇組都好用心還原四哥嘅經典造型黎耀祥喺入邊飾演嘅角色叫何國寶，系富翁之子，佢屋企通過捐款嚟換取喺電視節目唱歌嘅機會，就系影射緊鄧兆尊一家，通過巨額捐款嚟喺《歡樂滿東華》唱歌，以此搏風頭。何國寶老竇，角色原型就系大名鼎鼎嘅新馬師曾！佢哋屋企有錢到唔見部車，直接打電話畀江湖大佬，第二日部車就完璧歸還啦！呢個都系真實事件嚟噶！Laser姐登台演出必唱《熱咖啡》，就系諷刺Lisa姐汪明荃永遠只有一首登台名曲《熱咖啡》。而編劇仲借演員之口，鬧足半個香港娛樂圈，直指好多明星名人！電視台決定再搵春官（影射鄭少秋）演男主角，即刻被人話年紀大又過時，仲做男主角出風頭！梅艷芳同張國榮搞過封咪，但系之後再出嚟唱歌，直接被形容為「姣婆守唔到寡」！最搞笑系，有一幕系扮演展昭的演員向記者痛訴TVB剝削壓榨員工，果然TVB自黑起身，邊個都擋唔住！好耐冇試過睇一部戲，睇得咁過癮，可以用一部戲懟足半個香港娛樂圈，編劇，我服曬你！藝術源於生活，懷著對娛樂圈嘅憧憬同被功利主義熏陶，其實我哋細個，多少都有發過明星夢，渴望自己被星探發現，然後成為天王巨星，身邊都系自己曾經嘅偶像。但系呢部戲用咗一種惡搞幽默嘅方式，向我哋解像娛樂圈嘅另一面，表面越美好，背後越殘酷。鏡頭前和和氣氣，稱兄道弟，轉個頭就互相埋怨。新人為一個廣告搶崩頭，結果發現其實呢個廣告就系露個背，成名嘅路上都系荊棘，而絕大部分人死喺荊棘，突圍而出嘅永遠只系鳳毛麟角。而更諷刺嘅系，喺娛樂圈走紅，有時唔系靠實力，而系靠話題靠炒作，有話題，觀眾自然會八卦會關心，跟住個個都圍住你轉！連比賽都會對你網開一面，因為冇一個製作公司想錯過一個話題製造者。當你冇話題冇爆點，觀眾自然唔願意睇你，即刻人走茶涼，受人白眼！呢啲曾經系香港娛樂圈嘅寫照，同樣系大陸娛樂圈嘅現狀。八卦娛樂事業嘅歷久不衰，觀眾永遠中意睇他人人生嘅高潮低洼、嬉笑怒罵。但系，作為觀眾嘅我哋，一直催生熱點、追隨熱點、遺忘熱點，再去催生另一堆熱點產生，周而復始，咁最後我哋又得到啲咩？《插班生》其實系一個系列嘅電視劇，仲有《豪門插班生》同《樂壇插班生》，有興趣嘅自己友不妨去睇下啦！唔講咁多，我去繼續追另外兩部啦！祝大家周末快樂！P.S 《插班生》系列喺優酷都有資源各位自己友，你當年都追過邊部《插班生》？