娛快訊丨曾國祥女友王敏奕被鬧做「小三」，蘇永康爆黃子華搞喊細路 – SheSay

有第三者？揭洪卓立湯怡分手內情

31歲的洪卓立（Ken）跟同齡女友湯怡（Kathy）同步在社交網甫文宣布「分」訊，結束11年愛情長跑，令人感到可惜。

一直以來，兩人都十分恩愛，惜感情自今年7月現危機，一向樂於曬愛的Kathy突然拒談男友，又轉口風指買了樓也無意跟男友結婚，當時Ken第一時間辟謠：「畀佢激死，其實我哋感情好好，只系有共識少提感情。」但事實是做慣背後小女人的Kathy，以往多數做「串星」、演配角，早前卻突然有機會擔正電影《某日某月》女主角，廣告和商演工作激增，激發了事業心，加上拍拖太久欠激情，故萌「獨立」之意，Ken雖曾極力挽留多陪女友，可是女友去意已決，鮮有緋聞的她與合作夥伴陳家樂頭貼頭影相傳緋聞也不介意，Ken無奈接受被分手事實，但私下雙方約定由情侶變成「仍會為對方赴湯蹈火的知心好友」。而分手後，據悉Kathy在人前亦表現無異。

地下情玩足一年 麥嘉欣李嘉豪凌晨爆蛹

澳門小姐麥嘉欣（Sofia）自當選之後憑混血外表而為人熟悉，有讀者爆料話佢異性緣旺盛，一早搭上「2016年國際先生」李嘉豪，不過Sofia就一直冇承認系咪同對方拍拖。

直至凌晨12點，兩位當時人終於同步喺社交網上載甜蜜合照認愛，原來今日已經系佢哋拍拖一周年紀念日！相中李嘉豪從後搭住Sofia膊頭，個頭亦貼實女友，而Sofia就露出甜到漏嘅笑容，李嘉豪留言：「沒計劃那麼遠　聯起兩個世界便一起探險#一周（周）年快樂 #20181115」。而Sofia亦留言：「You make me perfect.（你令我完美）#20171115」。網民就留言：「俊男配美女，襯到絕呀！」

【豪歎鮑魚紅酒】蘇永康爆黃子華搞喊細路

神一般的男人黃子華自從做完棟篤笑後甚少公開露面，日前就難得現身農夫演唱會，今次佢就喺網上見大家。蘇永康喺Instagram上載大合照，有佢一家同杜德偉一家，原來佢的同子華神飯敍，不過蘇永康就大爆囝囝Jazz畀「契爺」子華嚇到爆喊，原來系佢個頭累事呀！

蘇永康留言：「Jazz見到契爺啲頭髮變左白色當堂嚇到喊????!! 又話家常便飯點知又鮑魚又紅酒又甜品又盛⋯談天說地傾到午夜先走，其實真正老友使乜成日見？內心經常存在彼此方能長久，感恩❤️????」唔知子華用羊招數氹番Jazz呢？

陳偉霆化身金句王：男人的話不可信

歌手陳偉霆早前以創始人身份參與內地綜藝節目《下一站傳奇》，節目中由陳偉霆帶領的男生戰隊不僅實力強勁，陳偉霆亦「金句王」上身，為節目增添不少搞笑元素。作為男隊創始人，陳偉霆對選手要求一向嚴格，選手表現不佳時會直接指出問題，遇到優質實力選手時，他也會表示欣賞。要求嚴苛的同時，他也有不少暖心舉動，如會給予選手展示自己的機會，又會發揮幽默，令選手們放鬆心情。

節目開始時，他便憑一句「男人的話不可信」登上熱搜榜。之後，他又更新了「男人的話2.0」版本為「男人的話不可信，但陳偉霆的話必須信！」令現場觀眾爆笑，隨即被網民封為「金句王」。當一位女選手表演時，陳偉霆又模仿女隊創始人周筆暢和宋茜的表情，網民紛紛Cap圖轉PO，造成各款Emoji，認真搞笑。此外，陳偉霆早前為內地版時尚雜誌拍攝封面照，大玩中國風。

鄧麗欣自拍激似王子　網民驚訝：有夫妻相

唔少情侶拍拖耐咗，都會有夫妻相！而本來一啲都唔似樣嘅鄧麗欣（Stephy）同男友邱勝翊（王子）竟然愈嚟愈似！Stephy今日喺Instagram上載佢拎住自己嘅陳年封套自拍照，自嘲以前包包面，不過重點系佢側面第一眼望落去竟然有王子Feel，加埋發色同埋中間分界，唔少網民都好驚訝「跟王子好像」、「有夫妻相」，仲笑言以為系王子拎住張相，又送祝福叫佢哋繼續幸福落去！唔知王子睇到張相有咩感覺呢？

晨早起身拍《飛虎》　張曦雯黃宗澤好口福

邵氏網劇《飛虎之潛行極戰》早前於內地點擊沖破30億，更破了港劇於內地的點擊紀錄，現時乘勝追擊開拍《飛虎之雷霆極戰》，並由張曦雯（Kelly）、黃宗澤（Bosco）、吳卓羲及吳業坤等擔綱演出。日前Bosco、Kelly及吳業坤隨劇組飛到英國拍外景。而邵氏高層樂易玲更領大軍出發到拍攝場地，進行首個開鏡。

吳業坤落Soho練英文當地天氣相當好，演員晨早5時起身都精神奕奕，化妝的同時，劇組更安排了豐富早餐，於外國拍劇的待遇認真不俗。開工前，樂易玲坐上劇組為她預備的私人櫈，上面除了有其英文名，更有Exective Producer（行政監制）的字眼。此外，吳業坤出發時已表示事前有上堂惡補英語發音，抵達當地後，他不用埋位時便趁機到Soho飲咖啡，笑言可以練習一下。

地獄廚神再騷Quali！薛凱琪速成烹飪學錯師

歌手薛凱琪（Fiona）10年前參加過《美女廚房》，從此被封為「地獄廚神」，雖然那次經驗不好，但她覺得只要觀眾睇得開心就沒所謂：「但因為我份人要求比較高，做乜嘢都要有進步，所以希望廚藝有改進先再上呢類節目，因此一直以來推咗唔少邀請。」

最近《完美的餐廳》邀Fiona演出，她起初以為只是一個真人Show，學經營一間餐廳，她說：「但原來系一場美麗嘅誤會，準備拍前一日，工作人員打電話問我，第一集會煮乜嘢餸時，我當堂嚇呆咗！」Fiona後來才知道原來這間餐廳是由她及幾位女生包辦招呼客人、收銀、清潔以至下廚煮餸，她說：「我即刻搵朋友同媽媽幫忙，上咗堂烹飪速成班，學咗幾款菜式，由於時間緊迫，助手幫我拍片同記下每個步驟，學完都冇時間練習就要拍。」

最搞笑是Fiona自備豉油上路，誰知其中一支在行李箱中爆樽，不過最令她不知所措的，是原來節目組安排她負責西餐廳，令她所學的幾款中菜都無用武之地。

吳君如賀父母結婚54周年　吳君祥：真不容易

藝人吳君如父母夏春秋（冬叔）同太太（冬嫂）尋日慶祝結婚54周年紀念日，阿仔吳君祥喺社交網上載全家福同父母年輕時嘅婚照祝賀，從冬叔同冬嫂當年嘅婚照可見，君如可以話系同媽咪十足餅印，而全家福就見到佢哋一家人笑容滿面，冬嫂仲翹實冬叔只手，恩愛如昔！

與藝人江美儀結束11年情的吳君祥留言：「今（昨）天是爸媽五十四周年結婚紀念日，能夠白頭偕老真的不容易，大家要珍惜眼前人！P.S.我爸是我媽的第一個男人也是唯一一個，明年是他們的五十五周年翠玉婚，必須攪（搞）一個大型比堅尼沙灘派對。」呢個翠玉婚派對的確令人期待！

女Rapper咒生性病　王敏奕被鬧做「小三」？

藝人王敏奕同曾國祥拍拖四年，一直表現恩愛，仲不時傳出婚訊，睇嚟打風都打唔甩！

不過今日有一位名叫火炭麗琪嘅Rapper喺ig story開Post爆粗鬧王敏奕，仲以「八婆」嚟稱呼對方，內容就指王敏奕搞散前度男友同另一半，不過就未有指明王敏奕系搞散火炭麗琪同男友，定系火炭麗琪代友人出頭。而火炭麗琪仲詛咒王敏奕生性病，又言：「你條八婆自己做過咩心照！」由於用字粗俗，加上佢直接Tag王敏奕，引嚟大批網民熱烈討論，但當事人王敏奕就未有任何回應。

– END –