娛快訊 | 同洪卓立分手湯怡殘爆開工，王君馨否認有喜欲繼續搏殺 – SheSay

被指車廂摸黑蜜會胡㻗 劉穎鏇落淚

新一輯節目《學是學非》於電視城進行拍攝，主持森美、梁嘉琪、麥美恩、馮盈盈、張寶兒及劉穎鏇等，以皇帝及妃嬪造型亮相。

16年港姐亞軍劉穎鏇被偷拍到與羅天宇弟弟、落選港男胡㻗蜜會，有指二人於車廂內摸黑談心20分鐘。劉穎鏇解釋跟對方是好朋友，因最近壓力很大才跟對方傾訴。提到報導以「車震」來形容，她流淚否認，直言作為女仔被這樣的字眼形容會受到影響、有捐聲譽。

同洪卓立分手後首現身 湯怡殘爆開工

歌手湯怡與拍拖十一年的洪卓立昨晚突然驚爆分手，她們差不多同一時間在各自的社交網齊齊宣布分手，今晚湯怡如常為電影《死因無可疑》開工。

大約晚上六時半，她由助手陪同坐著Van到達一幢唐樓拍攝，湯怡戴cap帽，黑衫和牛仔褲，個樣冇乜精神，落車後亦企定定拍照，現場有記者欲遞咪給湯怡，她有動作想攞咪，但被助手阻止，湯怡說：「唔好意思，今日唔回應喇！」問到與洪卓立拍拖十一年分手，會否感到好可惜？湯怡未有回答，再問到分手原因時，她表示多謝關心，便步入唐樓繼續開工。

王君馨否認有喜 繼續搏殺未想做媽媽

王君馨出席新劇宣傳活動，日前她被影到睇完醫生摸住肚，疑似有喜。王君馨說暫時不需要恭喜她，兩個月前她起身時抽到條頸好痛，醫生為她按摩松筋及電療，足足搞了個半小時，她笑言看完醫生應該好肚餓，所以摸住個肚，連老公也問是否有喜訊？她稱有喜訊老公應該第一個知，覺得老公很幽默。

對於造人大計，王君馨表示要押後，因工作已排到明年底，希望明年有更多新嘗試，在音樂方面多發展。她承認未捨得放下工作做媽咪，因現時的心靈及身體狀態很好，想趁這段時間作大膽挑戰。說到她與莊思明在劇集錫錫鏡頭，她指這場戲因飲醉酒才發生，大家都覺得拍得自然。

借兄弟身家救急 張衞健怒剃光頭執幾億

終於等到啦，終於等到佢季尾開倉啦！講緊系張衞健（Dicky）嗰出電視劇《大帥哥》，唔使再畀人笑系倉底貨！消息咁驚喜，成班劇組演員圍埋開Party慶祝，Dicky仲喺自己社交網開心Share首播日期。咁又系嘅，辛辛苦苦拍完，點知一波幾折，佢只系望出劇順利出街啫，就同想有次暢快嘅小便一樣咁低要求，無奈屙嚇又停嚇，停嚇又屙嚇，唔屙又唔系㖞，有心無力，惟有低頭輕嘆，男人們，你懂的。

有人話《大帥哥》逃出倉底，但踩正聖誕同新年檔期播盞做炮灰，所謂「有麝自然香」，況且Dicky最強打逆境戰，單親嘅佢細細個就出嚟社會揾食，幫阿媽養大兩個細佬，多得張國榮幫拖話佢系表弟，帶挈佢多咗酒吧騷，之後贏咗新秀冠軍入埋無線！可惜時運低，直至接拍《西遊記》扮齊天大聖先正式爆紅，諗住同無線傾加人工脫貧，點知畀人寸：「如果你塊面冇毛，一毫子價值都冇。」

男人窮可以冇錢、冇頭髮， 但絕對唔可以冇尊嚴！「型到跌渣」嘅佢剃光個頭，用條毛證明「冇毛唔使死」，離開無線去內地、台灣重新出發，試過賺大錢，亦試過差啲破產，㶶到要問只得1,000蚊身家嘅吳國敬借五舊水頂住先，但愈窮愈強嘅佢，離開無線21年，身家成幾億， 原來光頭可以致富！

老公婚前婚後大不同！吳若希嬲爆：當我冇到

歌手吳若希出席港鐵安全運動，她表示昨晚剛從日本東京拍關於二手名牌賣場的旅遊節目回來，今早又要出活動，所以很攰。問到拍節目時可有大出血？她笑言：「唔多，買BB嘢多，買咗半篋嘢，另外半篋系做嘢嘅衫。（老公呢？）佢有一件衫，好多啦！（有咗女就唔要老公？）其實個女唔系佢嘅前世情人，系我嘅前世情人。」她亦謂今次與林穎彤一齊拍節目，笑言與對方鬥面大：「佢叫『大面Bella』，所以我哋互相鬥大面。（結論？）大家都系咁大，每次拍攝時都用自己大面去搶鏡。」

她亦謂今次去了6日，問到可有掛住囡囡？她表示：「冇呀，掛住少少啦！因為日頭我做嘢，佢就去玩，我收工，佢就瞓覺，中間冇時間畀我哋傾偈，做嘢冇時間掛住。」隨即她大呻老公好衰，不來接機：「昨晚叫佢帶個女嚟接機，點知佢選擇咗留喺澳門踢波，佢已經對住我唔同啦！未結婚前佢會嚟接我，結咗婚就當我冇到！」她又謂之後要趕到澳門出席晚上的頒獎禮：「睇嚇佢陣間會唔會同個女嚟接我船啦，如果佢帶埋嘅話就原諒佢啦。」

地獄廚神接內地騷開餐廳 薛凱琪上烹飪速成班白費心機

薛凱琪自10年前參加過節目《美女廚房》，被稱為「地獄廚神」後，一直都沒有參與過有關烹飪的節目，雖然第一次參加《美女廚房》時被人取笑煮得不好，但她覺得觀眾開心也沒有所謂。近來薛凱琪接拍內地綜藝騷《完美的餐廳》，她初時以為節目是講怎去經營一間餐廳，自覺能夠應付而答應，後來才知道誤會了。她謂：「但原來一切是一場美麗的誤會，在我飛內地準備開拍的前一天，工作人員打電話來問我，第一集會煮甚麼餸？我當堂嚇呆了。」她後來才知道餐廳由她及幾位女生包辦所有工作，「我一知道，就馬上找朋友和媽媽幫忙，上了一堂烹飪速成班，學了幾款菜式，由於時間緊迫，助手更要幫我拍片及記下步驟，學完也沒有時間再次練習，之後就要馬上上內地拍攝了。」

以防萬一，薛凱琪帶備自家豉油開工，誰知其中一支豉油，旅程中竟在行李中爆開，不過最令她感到不知所措的，是節目組安排她負責西餐廳，令她在香港學的幾款中菜變成無用武之地。

考律師牌鋪後路 麥明詩唔排除退出娛圈

麥明詩、王君馨、羅天宇等出席劇集《是咁的，法官閣下》宣傳活動，靠自修在美國取得律師牌的麥明詩，直言昨日才落機，不排除將來做律師，女仔要為將來打算，從事演藝行業到某個年紀可能面對工作機會減少。

問她在娛樂圈給自己多少時間？麥明詩直言沒有計劃，強調仍是全職藝人，希望繼續拍劇，不過父母想她做律師，希望將來穩定及有保障，她認為多個資格傍身沒有壞處。父母有沒有催促轉做律師？她笑言父母催快點結婚，她覺得為自己打算重要過結婚，修讀律師很辛苦，但知識是自己的，長遠來說最好也在香港考律師牌。

老公冇眼睇！岑潔儀孖大仔拍清涼孕照

藝人岑潔儀（Zoey）懷第二胎至今九個多月，期間不時發放泳裝孕照，四肢依然纖瘦的她，Keep得相當不俗，臨盆在即，Zoey突破性感界限，分享與大兒子Damian一起拍的孕照！其中一張相中，她抱著Damian、盡顯母愛。問到老公看法？她笑說：「佢坐系隔籬都冇眼睇！」不過他們亦有拍下一家四口的全家福來迎接小兒子出生。

細仔出世在即，老公Dixon於11月就開始休假留在家中陪老婆，Zoey亦為喂哺人奶而積極準備：「因為我決定要喂人奶，所以準備咗好多喂人奶嘅知識，同埋揾咗香港催乳中心嘅催乳師上門幫手，全部嘢都Ready好。」由於這次沒有作超聲波掃描，無法預知寶寶的樣子，所以Zoey一家都十分期待囝囝的到來，更希望產後可盡快和各位朋友見面。

藍潔瑛演技超揪心！《義不容情》李泳豪搶FO

無線翡翠台深宵時段播出劇《義不容情》悼念早前辭世藝人藍潔瑛，今日凌晨剛播出的一集網民更加指「慘到唔敢睇」。藍潔瑛於劇中飾演一個溫婉的母親，有一個懂性的兒子李泳豪，但卻「嫁錯郎」令全家因為因丈夫黃日華爛賭成性而一貧如洗。藍潔瑛為了生活做扒手，但扒竊到的竟然亦是是賊贓，因此無辜卷入劫殺案。

從一開始的悲憤、無奈，到去後來知道有機會沉冤得雪的冀盼，到最後知道自己被判環首死刑那份絕望。藍潔瑛當中的情緒轉換，不矯情不造作，在短短3集將演技發揮得淋漓盡致，亦奠定她演技派地位。最後一幕身穿紅衣，藍潔瑛空洞的眼神加上慘死的視覺震撼，令該幕成為經典。

都只不過是首3集，已經看得觀眾頓足捶胸，必然又會掀起一陣深宵追劇潮。

碧鹹到四川嘆麻辣火鍋 原來食得辣酒量好

「萬人迷」碧鹹今日來港出席活動，原來他來港前走訪四川成都，穿上型格便裝現身時裝店。他在社交平台分享與友人品嘗地道麻辣火鍋、嘆牛肉的照片，Nice爆的他又開心與店員合影留念。麻辣火鍋店舖在官方微博爆料，指碧鹹不吃內臟、酒量驚人、很能吃辣。

– END –