電視劇已經步入4K年代，盤點8大韓星，零毛孔護膚秘訣皮光肉滑

今時今日都要高清，尤其電視已經步入4K年代，面上有粒暗瘡仔都無所遁形！韓國護膚品出名好用，連韓星的皮膚亦比港星保養得好，無論男女都皮光肉滑，甚少出現月球表面。依家嚴選幾位零毛孔藝人，包括宋仲基、宋慧喬、全智賢、河智苑、宋智孝、金秀賢、Rain同I.U，先看一下秘訣keep到塊面好似剝殼雞蛋似水嫩白滑！

宋仲基 秘技洗面

近期最紅韓星，非宋仲基莫屬！今年9月即將31歲的宋仲基，除了天生baby face外，原來oppa好注重護膚，曾經出過《美膚男大作戰》(台灣譯名)教人保養。宋仲基話男人油脂分泌比女人多，一定要每日洗面，再用爽膚水、乳液保濕；oppa對潔面步驟亦十分講究，先用暖水洗臉，用洗面乳時，要搓出足夠泡抹，減少肌膚磨擦，再用暖水沖洗，oppa話跟手即刻再用凍水洗面，可以增加皮膚彈性，最後，用毛巾輕輕拍打塊面，不要去相信用力拍呀！

宋慧喬 三重補水

講完宋仲基，當然要提好拍檔宋慧喬（馬上就是變成妻子了）！身為護膚品代言人，喬妹非常重視皮膚，尤其是保濕，所以每日會飲大量水，亦會用保濕噴霧，夜晚更會敷sleeping mask，確保成晚都可以維持肌膚水分。除左同宋仲基一樣愛用暖水洗面，喬妹間中都會用牛奶洗面及按摩；另外，喬妹早於二十歲時已開始用抗衰老產品，亦會飲人蔘茶及檸檬水，所以即使34歲依然有BB肌！

全智賢 自創掌法

要選美肌女星，全智賢亦系不二之選。剛生完的全智賢，早前出活動時已極速回復產前身形，皮膚同樣keep得到，原來女神有一套獨家護膚心得，亦特別注重美白，除了不分日夜搽防晒，更發明左一套自家美白掌溫法：將美白產品搽上面，用雙手輕輕按摩，然後以雙手緊緊包住成塊面，就可以達到美白瘦面效果！

河智苑 燒酒護膚

韓劇天後河智苑今個月28日就踏入38歲，但依然不覺得有皺紋，被封「無瑕蜜肌膚」女星。河智苑的護膚秘訣，除了日日敷mask(去年推出自家品牌J.One啫喱面膜，短短45分鐘賣出7千支！)，她儘可能用塗化妝品、多食堅果類跟乳酪等，最重要是自家制檸檬燒酒！做法好簡單：用三個檸檬榨汁加入燒酒中，再加三份之一樽tonic water，然後再落一匙蜂蜜，完成！

宋智孝 重視卸妝

《Running Man》唯一女藝人主持宋智孝，前排和陳柏霖內地綜藝節目《我們相愛吧》當情侶，從外表上看來完全不覺得智孝比陳柏霖年長兩歲！經常在節目中無懼素顏示人的智孝，曾在美容節目《Get it Beauty》分享保養心得，例如盡量少化妝及得勤塗防晒霜，另外智孝非常注重潔面過程，每次會先用卸妝膏卸妝，再用潔面泡，拍上爽膚水，最後塗乳霜，要靚真是不能懶惰！

金秀賢 謝絕香梘

金秀賢曾代言護膚品牌，對保養皮膚有一定心得，都教授話男士洗面最好用比較溫和的洗面奶，然後用平衡肌膚的營養水，仲要定期去美容院做facial，千萬不可以用香梘，否則皮膚會越來越干，而且容易敏感。

Rain 注重深層清潔

以為Rain掛住操肌注重護膚，其實Rain對皮膚保養好有研究，早晚都會潔面潤膚，定期做深層清潔mask。除此之外，Rain為維持皮膚健康 ，會勁飲水、脫脂奶同食維他命C，仲要做運動同保持健康的生活習慣，令皮膚有內靚到外面！

I.U 牛奶護膚

韓國小天後兼「國民妹妹」I.U，年紀輕輕只得23歲，但已經相當注意皮膚護理。I.U曾在電視節目分享護膚心得，透露每日會飲2公升水，亦會用補水霜保濕，如果外出工作，每兩個鍾就搽一次防晒，更重要系I.U愛將潔膚棉浸入牛奶中，再用來敷面，一星期敷兩次，每次20分鐘；另外亦會用洗米水洗面去角質同美白。認識保養，難怪I.U皮膚白到反光啦！