跟動物搭界額上海閑話

上海寧歡喜啥，上海閑話里啥就出現了最多。

儂看看，上海寧最歡喜吃大閘蟹，「蟹」（音近「哈」，二聲）在上海閑話當中，出現頻率就不少：

蟹

字寫了難看，叫「蟹爬」；碰碰縮忒，硬不起來，叫「軟腳蟹」；要跟人分一杯羹，叫「掰蟹腳」；勿對頭，下勿了口，叫「牛吃蟹」；事體辦糟弄僵，勿可挽回，叫「死蟹一隻」；死蟹一隻有時候也沒關係，因為，「叫花子吃死蟹，只只好！」——上海話形容要求交關低，樣樣儕接受。

對了，還有一種小型油酥餅，跟蟹完全沒關係，但是叫「蟹殼黃」。

蟹殼黃

不過，要提醒現在的小年輕，「老蟹」二字要慎用，啥意思？舊時上海人是用「蟹」來代表女性，稱年紀輕的小姑娘為「小蟹」，稱年老的太太們為「老蟹」，卻沒有介乎老小之間的「中蟹」。

烏龜

講了蟹，再來講講烏龜，上海話讀「wu ju」（音近「烏居」）。

烏龜只要受到一眼眼驚嚇，伊個頭馬上會得縮到烏龜殼裡向去，外加要過交關辰光，等伊覺著危險已經過脫了，伊個頭才會得慢慢叫個再伸出來。所以上海閑話里，膽小怕事、嘸沒一眼眼血氣，就叫「縮頭烏龜」；烏龜不是一定縮忒的，「石頭浪向摜烏龜」，就被用來形容「硬碰硬」，「以強硬對強硬」。說到烏龜，上海閑話里還有一個同音的——「白Wu Ju」，是啥？不是烏龜，而是鵝！

為啥這麼叫？有一種講法，實際上應該寫為「白護居」，過去養鵝目的為保護家宅。鵝有習性，警惕性很高，一有入侵者就會高聲鳴叫，甚至攻擊入侵者，有點象狗護居，故稱為「白護居」——所以，上海閑話是絕對不能念唐詩的，伐相信？儂現在就讀讀看，比如鵝鵝鵝，曲項向天歌，換成上海閑話一講「白烏龜白烏龜白烏龜，頭頸別勁朝天叫」！

烏龜的長輩叫甲魚，這個詞也要當心，筆者曾經在未來丈人家裡脫口而出，「迭則老甲魚」，差點婚事吹忒！為啥？「老甲魚」三個字，是上海閑話中，對老年男人的詈語。

烏龜是烏龜，甲魚是甲魚，上圖為甲魚

老虎

上海閑話里老虎的出現頻率也不少，而且有各式各樣的形容：

老虎頭浪拍蒼蠅——膽大包天。

雌老虎——形容凶蠻勿講道理的女人。

老虎窗——上海特有個老式建築個一部分，拉斜個屋頂開個天窗。

老虎窗

老虎灶

老虎灶——上海搭江南地帶特有個熟水店，現在多已消失。

老虎肉——高價商品，開價比實際價格高得多個商品。

老虎腳爪——巴掌打人老結棍個，叫請儂吃「老虎腳爪」。不過，還有一種傳統早點，也叫「老虎腳爪」，因為伊個外形有眼像老虎個腳爪。

其他

上海閑話里還有一類動物出現頻率很高，就是家禽。比如「雞狗雞狗」，啥意思？當象聲詞來講，就好比「嘰咯嘰咯」，而十二生肖當中，據說「雞」和「狗」是「相衝」的，雞狗碰垃一道，就「雞狗雞狗」搞勿清爽哉！再有比如：

黃牛肩胛——老黃牛個體型老大個，不過伊嘸沒肩胛個，牛頭直接連牢牛身體。比喻一個人勿敢承擔責任，賽過是「黃牛肩胛」。

黃魚腦子——黃魚個腦子是兩塊白顏色個小石頭。比喻一個人勿動腦筋，比喻迭個人老笨個，就講伊是「黃魚腦子」。

嘸頭蒼蠅——掐脫頭個蒼蠅，翅膀還會得撲騰撲騰，勿過飛起來完全嘸沒方向。比喻一個人做事體方向勿明、嘸沒計劃，東打一拳、西踢一腳，就像「嘸頭蒼蠅」一樣。

蓬頭獅子——想一想雄性獅子豎起來個一頭毛髮蓬蓬鬆鬆，用伊來形容一個人頭髮、鬍子又長又亂，就像一頭雄獅子，蠻形象個。

老蟲做親——「老蟲」就是老鼠。搿種動物日里向一般勿大出來活動個，葛末到仔夜裡向，就儕是伊拉個市面了。「老蟲做親」，通常就是指深更半夜個辰光忙煞。

蚊子結

蚊子結——「蚊子結」專門用來指一種邪氣細小個接頭，譬如，垃拉紡織廠里紗線、毛線打結頭儕是用「蚊子結」個，搿種接頭，勿但接頭個外形細小，外加交關牢靠，勿會鬆脫個。

雞吃稻柴鴨吃谷，兒孫自有兒孫福——指不必對兒孫作過多呵護。

天浪鯉魚斑，明朝曬穀勿要翻——雲呈魚鱗狀，次日為大晴天。

長腳鸕鶿——戲稱瘦長個人。

黃牛角，水牛角，各管各——黃牛和水牛是勿同品種個，所以伊拉個角是勿一樣個。這裡是指互相勿搭界。

蜻蜓咬尾巴，自吃自——自己開銷，勿是吃公家個或者人家個。

腳踏地王老鼠，手捉蒼蠅蚊子——動作敏捷，一般人是做勿到個。

蠅荒蚊熟——對農作物收成個一種看法，如果當年蒼蠅多了，葛末是荒年；如果當年蚊子多了，乃末是熟年，收成一定好。

瞎貓碰著死老蟲——偶然巧合，撥伊碰到了，運氣好。

三腳貓——做么都會做一點，但是都勿精通個；還有一個貓，偎灶貓——多指一個人萎靡勿振。

鰻魚死拉湯罐里，屈死——罵人個話。還有一種意思是受了冤枉，委屈個。

豬頭肉，三勿精——啥個儕有一點，但儕勿是老好個。

螺螄殼裡做道場——比喻拉狹小個房間里做事體，施展勿開手腳。

螺獅殼裡做道場

逃脫鰻鱺臂膀粗——拉水裡用手更加夾勿緊捏勿牢，撥伊逃脫，事後總會有人說伊剛剛捉到個鰻鱺大來，有臂膀搿能粗，形容人誇大其詞。

活猻屁股——形容小孩坐勿安穩。

狗屁勿通——形容做人、辦事或寫文章勿合情理，勿合規矩或邏輯。

裝狐樣——形容裝糊塗的樣子。

放龍頭——話勿兌現。

老牛皮——老愛吹牛的人。

放鷂子——放風箏上天，比喻準備辦個事體嘸沒著落，放空了；還有個類似的，放白鴿——承諾沒兌現，答應個事沒辦，說話勿算數。

蚊子叮菩薩——看錯人頭：蚊子看菩薩是人頭，叮上去卻吃不到血。

老鼠跳進白米囤——盡吃：老鼠喜歡吃大米。伊跳進米囤里當然高興吃。

雞爪瘋——儂看看雞個爪子，永遠捏勿起拳頭來，一個人個手，假使手節頭儕像雞個爪子一樣撐開來，抖抖索索個，啊是標標準准個戇大啦？

豬頭三——通常用「豬頭三」來形容「七勿老起、說話勿像」，「腳高腳低、嘸重嘸輕」個人，有眼「捧勿起個劉阿斗」個意思。

歡喜拍馬屁的人叫「馬屁精」，個么馬屁沒拍好，就是「馬屁拍垃馬腳浪」，撥馬狠狠個踢一腳咯。

部分圖片來自網路

←