比起忌廉汽水，我寧願支吹廿四味！

唔知有幾多自己友，唔鐘意食青椒？

由細到大，阿媽經常氹我食青椒，話青椒好食又營養，但我真系頂唔順青椒嗰陣味！阿媽仲用無數種煮法，想令我愛上青椒，煎釀青椒、青椒煎蛋、青椒炒鮮魷......但始終，我依然唔鐘意食青椒，直到依家。

廣東人雖然鐘意食，而且食得千奇百趣，但都有哋食物，一直畀人拗緊「好唔好食」。你覺得系人間美味，話唔定人哋覺得難食到作嘔...

沙示

沙示可以話系陪伴70、80、90后廣州人長大嘅汽水！

沙示是以植物Sarsaparilla(墨西哥菝葜)為主要調味的原料。墨西哥菝葜，自古便被視為生葯、中藥，藥用價值很高，功效頗多，其驅風、發汗、利尿、解毒、凈血等功效。

雖然睇落似可樂，但系味道同可樂截然不同！除咗夠氣夠甜之外，沙示仲有一種特別嘅味道，鐘意嘅人會覺得好好飲，亦都有人覺得沙示飲起身有一陣「風油精」味，難以接受...

忌廉汽水

忌廉汽水其實系「忌廉味蘇打水」。

採訪身邊朋友，發現鐘意忌廉汽水嘅人，女仔比較多。唔鐘意嘅自己友，都覺得忌廉汽水嘅味道「好詭異」，算唔上難飲，不過唔會畀錢買...

秋葵

近年來，秋葵變咗「健康界」大紅人，營養豐富、食法都豐富！

秋葵含有蛋白質、脂肪、碳水化合物及豐富的維他命A和B群、鈣、磷、鐵等，以及含有鋅和硒等微量元素，對增強人體免疫力有一定幫助。對治療咽喉腫痛、小便淋澀、預防糖尿病、保護胃黏膜有一定作用。

鐘意食嘅人，煎、炒、煮、炸都冇問題。有部分自己友頂唔順秋葵嗰種「滑潺潺」嘅口感，佢哋同嗰啲「就系鐘意滑潺潺」嘅人，估計呢世都做唔到朋友！

魚眼

有冇人聽阿媽講過：魚眼系成條魚最補嘅部位？

由於生熟魚眼都有點驚悚，請忽略配圖

魚眼中含有維生素A和維生素D之外，還含有比較豐富的DHA，都是對眼睛有好處的成分。

識食魚嘅，肯定會食魚頭！但系魚眼又有幾多人食得落？聽講生食魚眼最補...注意：系成只魚眼，唔系白色嗰粒眼珠。

都系忍唔住要發一張！

豬皮

好多人會覺得，食豬皮好唔健康，咁就錯了！

豬皮蛋白質含量是豬肉的2.5倍，碳水化合物含量比豬肉高4倍，而脂肪含量卻只有豬肉的一半，含有大量的膠原蛋白質在烹調過程中可轉化成明膠，增強細胞生理代謝。

食豬皮比起食豬肉有益得多，但只要諗到豬皮咁核突，而且上面仲有豬毛，就算幾好食，都望而卻步！

碗仔翅

由香港傳入廣東嘅街頭美食，同時都系好多廣東人「掃街必食」嘅美食之一！

在香港，街頭碗仔翅加入大量味精，所以被大多數人視為垃圾食品。但隨著香港生活質量提高，碗仔翅除了肉絲份量增加，亦會加入香菇絲、蛋花、以至金華火腿、豬皮、魚肚。

老婆餅裡面冇老婆、鳳梨包裡面冇鳳梨，碗仔翅裡面冇魚翅......講笑啫，呢個並唔系唔鐘意碗仔翅嘅原因，更多系因為碗仔翅冇益。

肥叉

做咗「叉燒」幾十年，都食咗幾十年叉燒，肥叉同瘦叉差別好大！

肥叉燒做得好，肥而不膩，而且香、軟、滑，是識食之人和懂食之人的不二首選！

每次路過燒臘鋪，梗會有一兩個叔記落單：「整廿蚊靚肥叉！」不過好多人（尤其年青人）都比較抗拒食肥肉。

有咩食物，系你唔理解