林峯約滿離開英皇，自立門戶開工作室！

曾幾何時只要打開電視，無論劇集、主題曲、廣告，到處都見到林峯嘅身影。不過自從2014年以天價過檔英皇，完成最後一套喺無線嘅劇集《使徒行者》后，他就全力轉攻內地市場。

3年過去，最近傳出林峯約滿后將不再續約英皇，選擇一線紅星慣常做法 --- 自組公司成立工作室，拎番演藝工作話事權兼招攬藝人加盟，進一步擴大事業版圖。

林峯畢業於TVB第13屆藝員訓練班，1999年正式拍攝第一套劇集出道，多年來備受力捧，歌影視廣告多棲發展，曾經5次踏上紅館舉行演唱會，兩奪華鼎獎視帝，演藝實力受各方肯定，2014年更憑年賺逾2,800萬港元，登上福布斯名人榜第53位。

同年離開無線，以1億天價加盟英皇轉攻內地，主演劇集《衛子夫》成收視冠軍，令林峯人氣更上一層樓。

眼見其他一線藝人好似劉愷威、林志穎、楊冪等都自立門戶，掌握髮展路向話事權，盛傳林峯決定跟風開工作室，更已經同好友鄧智偉傾掂數拍住上，仲有意羅致唔同藝人加盟，而頭號目標就系女友吳千語。

英皇方面亦確認林峯不再續約嘅消息，不過就強調關係良好，仍然會喺歌影視多方面緊密合作，好似世界巡迴演唱會仍然會由英皇主辦。

經理人霍汶希坦承：「佢諗住自己做，佢想成立自己嘅工作室，但英皇依然同佢有好多合作，好似有幾部電影、電視劇，我哋之前幫佢主辦嘅世界巡迴演唱會都會繼續做，大家只不過轉咗一個合作形式。」

嚟緊10月尾林峯主演嘅全新古裝劇《獨步天下》將會面世，改編自李歆同名小說，劇中刪去了原著中穿越的情節，講述了背負「可興天下、可亡天下」預言的女真第一美女東哥與清太宗皇太極之間的浪漫而坎坷的愛情故事！

系林峯繼《尋秦記》《衛子夫》之後第三次飾演一國之君，亦都系佢首部剃頭拍攝嘅清朝作品！相信到時又會引起另一波追劇熱潮。

另外，林峯忙到連拍拖都冇時間，就連去餐廳坐低食飯都冇，日前下午，戴Cap帽、穿短衫短褲嘅林峯喺灣仔健身室做完Gym，就獨自步出街頭上車，吩咐司機載佢到附近餐廳，快閃買咗盒雞飯外賣自己吔。

希望林峯照顧好身體，事業更上一層樓！